Nemandi og starfsmaður skólans!!!!

Thu, 04 Sep 2008 20:24:31 GMT

Jæja skólinn byrjaður á fullu og ég í 18 einingum á þessari lokaönn (vonandi 7,9,13):$. Fékk líka leiðinlega stundatöflu en er í 13 eyðum og í árekstri. Þannig er málið að ég er í tveim áföngum í fjarnámi og svo lentu franska 303 og nát 113 saman. Já alveg glatað dæmi þar sem ég hef aldrei þurft að vera í árekstri fyrr en á lokaönninni great:whut: Veit samt ekki hvernig ég á eftir að höndla að vera í tveim frönskuáföngum en maður reynir að harka þetta af sér og ná þessu drasli. Er samt í mjög skrítnri stöðu núna, er nefnilega bæði nemandi og starfsmaður í skólanum, já þetta hljómar afskaplega skrítið en manni var boðið næturvarsla á vistinni sem maður tók enda ágætt að fá borgað fyrir það að sitja þarna og horfa á sjónvarpið um helgar og já af og til sussa á einhverja vistarbúa:haha: Og svo á morgunn er busaballið og þá fær maður að vinna fyrir kaupinu sínu enda alltaf nóg að gera á busaböllum eins og flestir vita.

Er nánast búinn með meiraprófið en það vildi svo óheppilega til eftir næstsíðasta rútutíma minn þá viti menn, BILAÐI helvítans rútan og einhver rosa bilun þar í gangi þannig ég kemst ekki í siðasta tímann fyrr en seint og síðar meir því miður og verr:evil: En það er agætt að vera kominn með þetta enda gefur stúdentsprófið manni voða lítið útá vinnumarkaðnum nema að þar getur maður sýnt að aðilinn hafi drullast í gegnum framhaldsskólann punktur.:lol: Einhvernveginn efast ég um að fara í háskóla enda ekki besti námsmaður í heimi en hver veit, kannski rekst ég á eitthvað sem manni langar virkilega að læra og fari í meira nám í framtíðinni.

Veit ekki hvað ég að skrifa meira hérna þannig vonandi kemur betri færsla næst:|

Steypa, lokaönn og framtíðarplön

Sat, 19 Jul 2008 16:11:49 GMT

Já komiði sæl og blessuð, langt síðan maður hefur eitthvað reynt að blogga eitthvað en best að gera það svo að fólk haldi að ég sé ekki dáinn og grafinn hérna á skagabælinu. Núna er ég vinna hjá BM Vallá við að keyra steypubíl, jájá maður er kominn með meiraprófið en tek svo í haust eftirvagninn, rútu og leigubílinn enda fínt að hafa þetta til að hafa meiri atvinnumöguleika fyrir hendi:haha: En já byrjaði að keyra steypubíl um miðjan maí nýkominn með meiraprófið og fyrstu dagarnir voru nett erfiðir og stressandi enda er ég að keyra bíl sem getur tekið 8 rúmmetra af steypu og það er ekkert grín að taka beygjur á þessu kvikindi en hef ekki ennþá oltið þessu þannig ég hlýt að vera gera eitthvað rétt á þessu drasli. Annars virðis þessi kreppa ganga meir yfir hérna en á Rvk svæðinu enda er ekkert að gera á Skaganum og nær þannig ég er nær alltaf sendur í bæinn að keyra steypu þar enda er brjálað að gera þar eins og er. Finnst alveg glatað að keyra í bænum en kostirnir eru þeir að núna rata ég MUN meira þar en ég gerði áður, hef náð að villast nokkrum sinnum þarna líka og það er ei spennandi að lenda í því á steypubíl skal ég segja ykkur:evil:

En annars er maður spenntur fyrir að skólinn byrji enda er það vonandi lokaönnin hjá mér í framhaldsskóla eftir langa og erfiða skólagöngu. Já þið lesið rétt, ég er að klára um jólinn ef allt gengur vel núna í haust8| Maður hefur tekið sér á í námi eftir að hafa komist hingað á Háteiginn og lært mun betur en á vistinni og árangurinn hefur skilað sér í hærri einkunnum í flestum fögum:$ Annars veit ég ekkert hvað skal gera eftir skóla en nokkrar hugmyndir hafa komið upp sem t.d. vinna áfram hérna á Skaganum, flytja aftur heim í sveitina sem væri auðvitað mjög gaman ef maður fyndi einhverja vinnu við sitt hæfi?? Svo kom einn kunningi minn í vikunni og sagði að hann ætti tengdó í Flúðum sem vantaði alltaf vöruflutningabílstjóra haha, það má halda öllum möguleikum opnum8) En já best að hafa þetta gott í bili, maður veit aldrei hvort maður bloggi meir, fer eftir hversu duglegur ég er.

Hæ og velkomin(nn) í mitt litla líf

Nemandi og starfsmaður skólans!!!!

Steypa, lokaönn og framtíðarplön